Ian F. Hancock Romani Rodimasqo thai Arhivaqo Centro si kerdo katar I Asociacia baş-i Rromani edukacia, kultura, folklore thai sportesqo klubi lovencar katar o EU Instrumento baş-i Demokratia thai Manuşıkane Hakkaja.
O resarina save so o centro kame te resel:
• Te kerel memoria le Romenge odolesa so ka kidel shkrimata, dikhimata, audio thai artesqe materialora katar o nakhlo vahti dzi avdive;
• Te istimalkerel o materialora ki jek sistemesqi regulacia;
• Te del precizo dzandipe thai informacie pal-i historia, avipen, çhıb thai kultura le Rromengi savencar ka pharuven o xoxavne dzandipena save so mothovenapes
• Te dzangavel i buti le centrosqi pal-i rekonstrukcia le Rromane identetesqo ko Rromane biradzutne organizacie thai te zoralel o kapacitetora pal-i advokatura le Rromane organizaciengo andi Turkia zorarkerdoj lengoro identiteto.
Amaro centro si anavkerdo tar-o profesori Dr. Ian F. Hancock. Kerdo si ko lesqo 75to berş sostar ole ısı 45 berş pharı butı upral i Rromani historia thai kultura. Ov si dzando sar o manuş savo i sile baro respekto thai dzandipe ko Rromane studie.
I buti le centrosqi si kerdi katar o uço dzandipasqo komiteti astardo katar Roma thai avera Akademiaqe manuşa save so isilen xor dzandipe thai but bare rodipena ipral i Romani historia thai kultura.
Ko beşıpe şerutno si o rajo Orhan Galjus savo si şerutno ki asamblea ko IRU thai vice-president ko European Romani Union. Adem Ademi, si treneri thai sile xor dzandipe upral o Rromano mişkipen ki Europa thai Balkano si o Generalno Sekretari ko komiteto.
Ko komiteto si vi akala manuşa:
Prof. Dr. Ian F. Hancock, University of Texas
Prof. Dr. Marcel Courthiade, INALCO Institute, Sorbonne University
Prof. Dr. İlber Ortaylı, Galatasaray University
Prof. Dr. Hyristo Kyuchukov, University of Poland
Prof. Dr. Santino Spinelli, University of Lanciano
Assoc. Dr. Neriman Açıkalın, Mersin University
Amaro centro kerda 5 berşengi strategia savasar ka anel neve sikavimata thai çaçipena ko Rromane studie ko avipe thai ka marelpes te keren o Roma te len piro respekto save so si olengo thai phagen o bilaçho dikhipe upral lende.